Keshilla MjekesoreMjekesi AlternativePsikologjiShendetesi LajmeTe TjeraUshqimi dhe Dieta

Alkooli mbron kundër sulmit të zemrës, por rrit rrezikun e kancerit

Konsumimi i alkoolit mbron kundër sulmit të zemrës, por rrit rrezikun nga shumë lloje të kancerit, thuhet në këtë hulumtim botëror.

Hulumtimi, i cili ka përcjellë progresin e 114,970 pjesëmarrësve për rreth 4 vjet, ka treguar se pirja e alkoolit redukton rreth 24 për qind rrezikun për sulm në zemër, shkruan The Telegraph.

Ata që e konsumojnë mesatarisht alkoolin ishin më të mbrojtur se sa ata që e konsumojnë më pak ose ata që e konsumojnë shumë.

Por, gjithashtu në këtë studim është zbuluar edhe se ata të cilët nuk pinë alkool, 51 për qind janë më të rrezikuar nga zhvillimi i ndonjë kanceri të caktuar. Këtu përfshihet kanceri i gojës, ezofagut, stomakut, zorrëve, mëlçisë, gjirit, vezoreve, kokës dhe qafës.

Pirja e alkoolit gjithashtu rrit rrezikun e vuajtjes së lëndimeve për 29 për qind, sipas studimit të publikuar në revistën mjekësore “The Lancet”.

Konsumimi i alkoolit në nivel të lartë dhe normal, të dyja çuan dukshëm lartë normën e vdekjes nga të gjitha shkaqet.

Udhëheqësi i hulumtimit, Dr Andrew Smyth, nga Universiteti McMaster në Kanada

“Të dhënat tona mbështesin thirrjen për të rritur ndërgjegjësimin globalisht në lidhje me rëndësinë e dëmshmërisë nga përdorimi i alkoolit dhe nevojën për të identifikuar dhe synuar më tej ndryshueshmërinë e përcaktuesve të dëmshmërisë nga përdorimi i alkoolit”, ka thënë udhëheqësi i hulumtimit, Dr Andrew Smyth, nga Universiteti McMaster në Kanada.

Ndërsa bashkë-autori i këtij hulumtimi, Dr Salim Yusuf, drejtor i Institutit Kërkimor të Shëndetësisë së Popullsisë të këtij universiteti, ka thënë: “Për shkak se konsumimi i alkoolit është duke u rritur në shumë vende, rëndësia e alkoolit si një faktor rreziku për sëmundje mund të nënvlerësohet. Prandaj, strategjitë globale për të reduktuar dëmshmërinë nga përdorimi i alkoolit janë thelbësore”.

Pjesëmarrësit e këtij studimi vijnë nga 12 vende të ndryshme të botës me nivele të ndryshme të zhvillimit ekonomik.

Vendet me të ardhura të larta janë përfaqësuar nga Suedia dhe Kanadaja, vendet me të ardhura mesatarisht të larta nga Argjentina, Brazili, Kili, Polonia, Afrika Jugore dhe Turqia, vendet me të ardhura mesatarisht të ulëta nga Kina dhe Kolumbia dhe vendet me të ardhura të ulëta nga India dhe Zimbabve.

Në këtë studim është matur konsumimi javor i alkoolit.

Konsumimi i alkoolit në nivel të ulët është përcaktuar me nga 7 pije në javë, në nivel mesatar me nga 7 deri në 14 pije për femra dhe 7 deri në 21 për meshkuj, ndërsa në nivel të lartë me më shumë se 14 pije për femra dhe me më shumë se 21 pije për meshkuj. /Telegrafi/

The post Alkooli mbron kundër sulmit të zemrës, por rrit rrezikun e kancerit appeared first on Telegrafi.

Source link

Related Articles

Leave a Reply

Your email address will not be published. Required fields are marked *

Back to top button
Close
Close