Lajme

Eksperti i OBSH’së paralajmëron më të keqen për Kosovën: Mund të kemi deri në 37 mijë viktima

Eksperti i Organizatës Botërore të Shëndetësisë, Merkur Beqiri, tregon se çfarë mund të ndodhë në qoftë se i lirohet rruga virusit në tërësi.

Përmes një postimi në Facebook, Beqiri thotë se vendi mund të pësojë keq, madje mund të kemi deri në 37 mijë viktima.

Beqiri këtë e bazon në deklarimet e epidemiologëve botërorë, se nëse imuniteti grupor arrihet në një komunitet të gjerë, mund të infektohen 60% të popullatës.

“Sipas epidemiologëve botërorë, imuniteti grupor arrihet kur në një komunitet të gjerë (si psh shteti jonë), infektohen përafërsisht 60% të personave në popullatë, me çka arrihet krijimi i antitrupave në shumicën e personave gjë që pamundëson përcjelljen e mëtutjeshme të virusit. Pra, arrihet ngopja e epidemisë”, thotë ai përmes një postimi në Facebook, përcjell Zeri.info.

Eksperti i OBSH-së thotë se në bazë të kësaj shifre, të cilën thotë se e kanë konstatuar epidemiologët botërorë, në Kosovë mund të infektohen përafërsisht një milion e njëqind mijë njerëz.

“Në Kosovë, kjo do të thotë se duhet të infektohen përafërsisht një milion e njëqind mijë njerëz (1,100,000). Nëse marrim shkallën e deritanishme të vdekshmërisë së rasteve të kryera 3.5% (dmth 34 vdekje në 973 të shëruar), ajo do të thotë se ne do të kishim përafërsisht nja 37,000 vdekje”, ka thënë tutje Beqiri.

Por, thotë se kjo nuk do të ndodhë sepse popullata do t’ia këpus rrugën virusit.

“Pa panik, sepse kjo nuk do të ndodhë. Sepse ne do t’ia ndërprejmë rrugën virusit.

Burimi

Back to top button