Lajme

Haziri tregon arsyen pse LDK’ja e votoi Thaçin për president

Kryetari i Komunës së Gjilanit dhe njëkohësisht nënkryetari i Lidhjes Demokratike të Kosovës, Lutfi Haziri, në emisionin Pressing të T7, ka treguar arsyen pse LDK’ja e votoi Thaçin për president.

Haziri tha se me këtë veprim, LDK’ja ia demoloi lidershipin Thacit dhe e zhvendosi nga pushteti ekzekutiv në zyrën e presidentit.

“Atë kohë u pat kriju një mendim se për të gjitha zyret mund të kandidosh vetëm për kryeministër s’mundesh, sepse ai Thaçi është aty”, është shprehur Haziri.

“E kemi zhvendosur nga zyrja e kryeministër në zyrën e presidentit. Me këtë në e kemi demolu lidershipin e tij. Ne e kemi largu nga PDK’ja”, shtoi Haziri.

Tutje, Haziri tha se Hashim Thaçi është lider shpirtëror i Partisë Demokratike të Kosovë, ndërsa kryetari i saj, Kadri Veseli, nuk ka lidhje me PDK’në.

“Na e dimë që ai është lider shpirtëror i PDK’së. Veseli s’ka lidhje me PDK’në”, shtoi Haziri.

Back to top button