Lajme

Hekuran Murati: S’ka shtet pa tatime dhe pa taksa

Rreth 8 miliardë euro janë inkasuar të hyra tatimore dhe kontribute pensionale për 22 vjet nga Administrata Tatimore e Kosovës. Në vitin 2021, ATK-ja ka shënuar rekord në mbledhjen e tatimeve, rreth 600 milionë euro tatime dhe mbi 200 milionë euro kontribute pensionale.

Kështu tha sot drejtori i përgjithshëm i ATK-së, Ilir Murtezaj me rastin e shënimit të 22-vjetorit të themelimit të këtij institucioni. Derisa ministri i Financave, Punës dhe Transfereve, Hekuran Murati me këtë rast theksoi se nuk mund të imagjinohet një shtet pa tatime dhe pa taksa.

Murati tha se nga 5 milionë euro kur kishte mbledhur në vitin e parë të themelimit, ATK është shndërruar në kontribuuesin kryesor për të hyrat buxhetore.

Ministri i Financave më tej ka thënë se faza tjetër e këtij institucioni duhet të jetë digjitalizimi i plotë për ta bërë më të lehtë punën me tatimpaguesit.

“Shteti si koncept është një kontratë shoqërore ku të gjithë bëhen bashkë edhe merren vesh të kontribuojnë përmes tatimeve në mënyrë që disa shërbime të përbashkëta të cilat e bëjnë jetën më të lehtë për qytetarët për t’i paguar tatimet dhe për t’i mbuluar ato kosto. Prandaj, është e paimagjinueshme që të ketë një shtet pa tatime dhe pa taksa, dhe pa administratë tatimore në këtë rast. Të hyrat nga ATK-ja janë tepër të rëndësishme dhe përveçse janë të rëndësishme për shtetin, janë të nevojshme edhe për ta ruajtur barazinë dhe për ta ruajtur edhe produktivitetin e ekonomisë”, theksoi Murati.

Drejtori i ATK-së, Ilir Murtezaj duke treguar për arritjen e objektivave, tha se viteve të fundit ky institucion ka krijuar shërbime moderne dhe digjitale për tatimpaguesit.

“Si rezultat i punës profesionale, me integritet dhe ndershmëri, Administrata Tatimore e Kosovës për këto 22 vjet ka mbledhur 5 miliardë e 771 milionë euro tatime dhe 2 miliardë e 215 milionë euro kontribute pensionale. Gjithsej mbledhja e të hyrave është 7 miliardë e 986 milionë euro apo rreth 8 miliardë euro… Ajo që patjetër duhet të potencohet në këtë rast është bashkëpunimi me tatimpaguesit. Dihet se asnjë person në asnjë vend të botës nuk ka dëshirë të paguajë tatime dhe nuk është një gjë e këndshme, mirëpo sot në Kosovë rreth 90 përqind e tatimeve janë deklarime vullnetare, gjë e cila dëshmon se ne kemi arritur t’iu ofrojmë tatimpaguesve shërbime sa më cilësore”, theksoi Murtezaj.

Në emër të komunitetit të bizneseve, drejtori ekzekutiv i Odës Ekonomike Amerikane në Kosovë, Arian Zeka theksoi se të hyrat e këtij institucioni mundësojnë për shërbime më të mira nga shteti për qytetarët dhe bizneset.

Derisa Zeka tha se ATK ka krijuar qasje moderne për bizneset, ka thënë se përveç ATK-së dhe qeverisë, është obligim edhe i bizneseve dhe i qytetarëve që të kontribuojnë në luftimin e ekonomisë joformale.

Përveç kësaj, kreu i kësaj Ode ka kërkuar të ketë më pak ndëshkime nga ATK, por më shumë edukim për bizneset.

“Derisa në momentet si këto ka fjalë më të mira, besoj që ia vlen të përmendim edhe atë që duhet të bëhet në muajt dhe në vitet në vijim. Besoj që njëra prej plagëve më të mëdha që rëndon në shoqërinë tonë kosovare, është ekonomia joformale. Prandaj, është obligim i të gjithë neve, jo vetëm i ATK-së dhe Ministrisë së Financave, por edhe i vet bizneseve dhe qytetarëve të këtij vendi që bashkërisht të luftojmë ekonominë joformale, dhe të krijojmë një mjedis të barabartë për të tatimpaguesit e rregullt, që të ndihen të barabartë dhe jo të diskriminuar… Derisa kjo natyrisht që kërkon një qasje më rigoroze, unë do të doja më pak ndëshkime nga ana e inspektorëve tatimorë dhe shumë më tepër edukim”, u shpreh Zeka.

Ndërsa, zyrtari ndërlidhës i ambasadës britanike, Simon Wodcok, u shpreh më këtë rast se shteti i tij do të vazhdojë të mbështesë Kosovën dhe institucionet e saj, derisa beson se një administratë e fortë është shtylla e ekonomisë së një vendi. /KP

Nga një janari i këtij viti, kanë hyrë në fuqi tarifat e reja për metër kub uji në disa prej qyteteve të Kosovës, raporton Express

Ujin për 1 cent më shtrenjtë do ta paguajnë në fund të këtij muaji konsumatorët e Kompanisë Rajonale të Ujësjellësit “Prishtina”, KRU “Gjakova”, ndërkaq ata të KRU “Bifurkacioni” do ta paguajnë 2 centë më shtrenjtë.

Sipas të dhënave të publikuara nga Autoriteti Rregullator, rritje ka pasur vetëm në tarifat për ujin e pijshëm, derisa në ato për ujin joshtëpiak ka pasur ulje prej dy centë.

Tarifat e KRU “Prishtina” për vitin 2022

Tarifat e KRU “Prishtina” për vitin 2021

Ndërkaq ndryshime në faturë nuk do të kenë konsumatorët e KRU “Hidrodrini” në Pejë, KRU “Mitrovica” e “Hidroregjioni Jugor” në Prizren.

Sipas të dhënave të Agjencisë së Statistikave të Kosovës, një qytetar shpenzon rreth 90 litra ujë në ditë.

Në Kosovë, 78 për qind e popullatës furnizohet me ujë të pijshëm përmes sistemeve publike të menaxhuara nga kompanitë rajonale të ujësjellësit. Qytetarët e Kosovës furnizohen nga disa burime natyrore dhe artificiale të ujërave.

Liqeni i Ujmanit në Zubin Potok, Batllava në Podujevë, Badoci në Prishtinë, Radoniqi në Gjakovë dhe Përlepnica në Gjilan, krahas lumenjve Drini i Bardhë në Rrafshin e Dukagjinit, Ibri në Mitrovicë, Morava e Binçës në Anamoravë dhe Lepenci në jug, janë disa prej burimeve kryesore të ujit të pijshëm në Kosovë.

Në dy ditët e ardhshme do të mbajë mot me diell dhe pjesërisht i vranët, raporton Gazeta Express.

Instituti Hidrometeorologjik i Kosovës ka njoftuar se të enjten në orët e vona të natës priten reshje shiu dhe bore.

Temperaturat minimale do të lëvizin ndërmjet -7 deri -5 gradë Celsius, ndërsa maksimalet e ditës parashihen të lëvizin ndërmjet 3-7 gradë Celsius.

Do të fryjë erë kryesisht nga veriu dhe verilindja me shpejtësi 1-7 m/s.

KEDS-i ka bërë të ditur se gjatë dy ditëve të ardhshme do të ketë ndërprerje të energjisë elektrike në disa zona të vendit.

Sipas njoftimit, rryma do të ndërprehet për shkak të punimeve që do të kryhen në rrjet, shkruan lajmi.net.

Punimet do të kryhen nga ekipet e KEDS-it, ndërsa janë të domosdoshme për siguri të sistemit.

Njoftimi i plotë nga KEDS:

19.01.2022

Punime të domosdoshme për siguri te sistemit

Gjakovë

1.

Nga NS 35/10 kV Malishevë do të ndërprehet:

LP 10kV Mirusha (kodi: 82082002) nga ora 10:00 deri 12:30

Vendet: Rrugët: 603 Adem Jashari (1 konsumatorë), Imer Krasniqi (7 konsumatorë), 605 Hamdi Berisha (1 konsumatorë), 606 Pavarësia (1 konsumatorë). Fshatrat: Bubël, Burim, Carallukë (3 konsumatorë), Damanek, Gurbardh, Llapçevë, Lubizhdë, Lubizhdë e Malishevës, Lumnishtë, Mirushë, Mrasor, Panorc (një pjesë) dhe Turjakë.

Arsyeja: Ndërrimi i grupeve matëse dhe transformatorëve të djegur matës rrymor.

2.

Nga NS 35/10 kV Malishevë do të ndërprehet:

LP 10kV Banja (kodi: 82082008) nga ora 14:00 deri 15:00

Vendet: Rruga 602 Gjergj Kastrioti – Skenderbeu dhe fshatrat: Banjë, Bellanicë dhe Gajrak.

Arsyeja: Ndërrimi i grupeve matëse dhe transformatorëve të djegur matës rrymor.

Pejë

1.

Nga NS 110/10 kV Klina do të ndërprehet:

LP 10kV Qyteti (kodi: 52000012) nga ora 10:30 deri 12:30

Vendet Rrugët: Abedin Rexha, Dëshmorët e Kombit (një pjesë), Ded Gjon Luli (një pjesë), Haxhi Zeka (një pjesë), Isa Boletini (një pjesë), një pjesë e Klinës, Lidhja e Prizrenit, Maluzhganë (një pjesë), Marie Shllaku (një pjesë), Mehdi Morina (një pjesë), Mujë Krasniqi, Sheshi Mujë Krasniqi, Qendra Zejtare (një pjesë), Skender Rexhepi dhe një pjesë e rrugës Struga.

Arsyeja: Vendosja e grupeve matëse pas ndërrimit të ormanit të tensionit të ulët.

2.

Nga NS 110/10 kV Klina do të ndërprehet:

LP 10kV Klinavci (kodi: 52000002) nga ora 13:30 deri 15:30

Vendet fshatrat: Bekaje (një pjesë), Binq, Gjurgjevik i Vogël, Grapc, Kërnicë, Klinavcë, Leskoc, Ranoc (një pjesë) dhe Shtupel.

Arsyeja: Vendosja e grupeve matëse pas ndërrimit të ormanit të tensionit të ulët.

Gjilan

1.

Nga NS 35/10 kV Kllokot do të ndërprehet:

LP 10kV Kllokoti (kodi: 61065004 ) nga ora 13:00 deri 14:00

Vendet: Kllokot, Radivojcë, Budrikë, Remnik dhe Xhylekarë.

Arsyeja: Drejtimi i shtyllës së tensionit të mesëm që është gati duke u rrëzuar.

Mitrovicë

1.

Nga NS 110/10 kV Skenderaj do të ndërprehet:

NS 10/0.4kV TS Bajram Aliu (kodi: 74000011001) nga ora 10:00 deri 15:00

Vendet: Shtëpitë në afërsi të Stadionit në Skenderaj ,, Bajram Aliu’’.

Arsyeja:Rregullimi i kulmit të NS pasi pajisjet e NS janë në ambient të hapur dhe rrezikohen nga dëmtimi.

Prizren

1.

Nga NS 110/10 kV Therandë do të ndërprehet:

LP 10kV Peqani (kodi: 32000007) nga ora 11:00 deri 14:00

Vendet: fshatrat: Bllacë, Breshani, Duhël, Kastërc, Nishor, Peqan, Semetishtë dhe Sllapuzhan.

Arsyeja Ndërprerje emergjente për siguri të sistemit – Balancim i ngarkesës ne TR1 dhe TR2 në NS 110/10kV Theranda.

2.

Nga NS 110/10 kV Therandë do të ndërprehet:

LP 10kV Shvepsi (kodi: 32000013) nga ora 11:00 deri 14:00

Vendet: 28 konsumatorë komercial në Shirokë dhe Zonën Industriale.

Arsyeja Ndërprerje emergjente për siguri të sistemit – Balancim i ngarkesës ne TR1 dhe TR2 në NS 110/10kV Theranda.

20.01.2022

Punime nga palët e treta

Prishtinë

1.

Nga 35/10kV Fushë- Kosovë do të ndërprehet:

NS 10/0.4kV Stabiliment tek HIB nga ora 09:30 deri 14:00

1.NS 10/04kV NPT “Art-com”me kod: 15018014168

2.NS 10/04kV AL-Petrol Vragoli-Miradi e Epërme me kod: 15018014090

3.NS 10/04kV NTSHN”Patroni” Habib Morina me kod: 15018014095

4.NS 10/04kV Rezerva-deponi karbur, Hysni Jusaj me kod: 15018014100

5.NS 10/04kV AHN GROUP SHPK baza e asfaltit me kod: 15018014114

6.NS 10/04kV QKA (EUROLABI ) me kod: 15018014116

7.NS 10/04kV DF-GROUP me kod: 15018014117

8.NS 10/04kV Condor- Beton me kod: 15018014138

9.NS 10/04kV Nazif Nazifi me kod: 15018014142

10.NS 10/04kV Shefshet Morina “BETON PLUS”Sh.P.K. me kod: 15018014216Vendet: Petrol Company, Shtypshkronja “Zeri”, Asllani dhe Dimi.

Arsyeja: Bartja e kthinave nga TS i vjetër në TS e ri, si dhe punimi i 6 lidhëseve kabllore sipas pëlqimit elektro-energjetik, projektit të aprovuar.

Prizren

1.

Nga NS 110/35/10kV Therandë do të ndërprehet:

LP 10kV Shiroka (kodi: 32000005) nga ora 10:00 deri 15:00

Vendet: rrugët: 560 Brigada 123, 563 Nëna Terezë, 583 Endrit Kavaja (një pjesë), 584 Bajram Curri, 585 Ibrahim Lutfiu (një pjesë), 586 Zenun Kepa, 587 Haxhi Zeka, 588 Bedri Pejani, 590 Xhavit Syla, 591 Avdyl Beqiraj (një pjesë), 592 Xhemajl Rexha (një pjesë), 593 Shaban Polluzha (një pjesë), 599 Bahri Gallapeni (një pjesë) dhe 600 Nebih Hodo Kuçi.

Arsyeja: Realizimi i sistemit Hyrje/Dalje 10kV, sipas pëlqimit elektro-energjetik.

2.

Nga NS 35/10kV Zhur do të ndërprehet:

LP 10kV Poslishta (kodi: 30035006) në dy termine 09:00 deri 10:00 dhe nga ora 16:00 deri 17:00

Vendet: Poslishta, Grazhdaniku, Kobi I, Kobi II, Gurthyesi Renelual Tahiri, Poslishti I, Poslishti II, Vlashna I, Vlashna II dhe Muradema.

Arsyeja: Krijimi i kushteve të punës pa tension, manipulimi me ndarësit e tensionit të mesëm.

3.

Nga NS 35/10kV Zhur do të ndërprehet:

NS 10/0.4kV TS Mustaf Kurtaj-Vlashne (zhegure) (kodi: 30035006026) nga ora 09:00 deri 17:00

Vendet: Konsumatorët në TR Mustafë Kurtaj, servis veturash, mobileria real.

Arsyeja: Dislokimi i rrjetit 10kV sipas zgjidhjes teknike.

Gjilan

1.

Nga NS 110/20(10) kV Kamenica do të ndërprehet:

LP 10kV Rogana (kodi: 62000012 ) nga ora 10:00 deri 15:00

Vendet: fshatrat: Hodonc, Karaçevë e Poshtme, Karaçevë e Epërme, Katushnicë (një pjesë) dhe Rogaçicë.

Arsyeja: Me qëllim të realizimit të punimeve sipas pëlqimit elektro-energjetik, projektit të aprovuar.

Gazetari, Vehbi Kajtazi, e ka kritikuar vendimin e fundit të Qeverisë së Kosovës për rritjen e çmimit të rrymës për qytetarët që shpenzojnë mbi 600 kËh rrymë në muaj, shkruan Gazeta Metro.

Kajtazi ka thënë se Kurti po ua shtrejton faturëën shqiptarëvë që e sollën në pushtet, e po ua paguan rrymën serbeve në very që nuk e njohin në postin që ka.

“Qeveria Kurti po ua shtrejton energjine elektrike shqiptareve qe e sollen ne pushtet, ndersa vazhdon t’ua paguaj faturat serbeve ne veri qe nuk e njohin ate si kryeminister, e as Kosoven si shtet”, shkroi ai në Tëitter.

Qeveria ka vendosur ta aprovojë propozimin e ZRRE-së për ta shtrnjtuar energjinë elektrike për konsumatorët që shpenzojnë më shumë se 600 kËh rrymë në muaj.

Kryetari i PSD-së, Dardan Molliqaj ka paralajmëruar protesta kundër paralajmërimit për rritje të çmimit të energjisë elektrike në vend.

Molliqaj ka thënë se dokumenti i publikuar nga Zyra e Rregullatorit të Energjisë ku parashihet të ketë rritje çmimit të rrymës, është shqetësues.

Sipas tij, rikthimi i sistemit të blloktarifave godet direkt shumicën e konsumatorëve, transmeton Gazeta Online Reporteri.net.

Ai ka paralajmëruar protesta për të kundërshtuar këtë vendim të Qeverisë dhe ZRRE-së.

Shkrimi i plotë:

PARALAJMËRIMI I RRITJES SË ÇMIMIT TË RRYMËS ËSHTË PARALAJMËRIM PËR PROTESTA

Dokumenti i publikuar nga Zyra e Rregullatorit të Energjisë ku parashihet të ketë rritje çmimit të rrymës është shqetësues. ZRRE kërkon 132.7 milionë euro shtesë. Sërish. Qytetarët po paguajnë dy fish për energji elektrike. Dhe kur e dimë që s’janë bërë as një muaj nga subvencionimi prej 20 milionë euro. Edhe këtë herë qytetari po e hudhë spirancën për ta shpëtuar kurbën e profitit të privatit. Çmimi i rrymës në Kosovë është më i lirë për shkak se ne e paguajmë pjesën tjetër me shëndetin tonë. Ne nuk mund t’i paguajmë ekspertët e jashtëm sa herë që qeveria Kurti lëshohet në paranoja.

Rikthimi i sistemit të blloktarifave godet direkt shumicën e konsumatorëve. Kjo rritje parashihet të ndodhë për të gjithë konsumatorët që harxhojnë më shumë se 600KhË. Rritja e çmimit do të jetë ndërmjet 80% – 100%. Në shoqërinë tonë ngrohja me rrymë ka shumë pak alternativa, shtrenjtimi i çmimit do të përfshijë shumë familje.

Nëse KEK-u ka bërë ndonjë investim në gjeneratorë, ka sens rritja e çmimit. Por, sipas raporteve të fundit financiare të KEK-ut, kjo korporatë ka pasur fitim vjetor mbi 20 milionë euro, që i bie se çmimi i gjenerimit është më i lartë se që paguajmë ne.

Kalkulimi i çmimit të energjisë bëhet duke e llogaritur koston e prodhimit, që në Kosovë nuk ka pasur ndonjë ndryshim, duke llogaritur investimet në distribuim, që në Kosovë nuk janë duke u bërë as ato për të cilat ne tashmë kemi paguar.

Kosova duhet t’i ndryshojë politikat e gjenerimit të energjisë, t’i heqë listat korruptive të pritjes, dhe të japë licenca të gjenerimit të energjisë së ripërtrishme nëpërmjet ankandit. Qeveria të mos tregohet frikacake, por të krijojë kushtet që KESCO të shtrijë faturimin edhe në Veri. Qeveria ta ndalë koketimin me KEDSin dhe ta obligojë atë t’i ulë humbjet, siç është e paraparë me marreveshjen e privatizimit.

Leave a Reply

Your email address will not be published.

Back to top button