fbpx
Lajme

Hoti: Sot Kurti nuk e ka shkarkuar Veliun, por veten e tij. Keq për të!

Zëvendëskryeministri i parë i Republikës së Kosovës Avdullah Hoti, përmes një postimi të bërë në Facebook, ka reaguar në lidhje me ngjarjet e fundit, përplasjet mes LDK-së dhe VV-së, për shkak të shkarkimit të ministrit Agim Veliu, përcjellë Indeksonline.

Hoti ka thënë se vëmendja e tyre ka qenë tek menaxhimi i situatës dhe jo tek lojërat politike. Derisa vendimin e Kurtit e quajti si pasojë e mungesës totale të përgjegjësisë institucionale ndaj situatës së krijuar dhe mungesës së etikës së bashkëpunimit me partnerë.

Ky është postimi i plotë i Hotit:

Vëmendja jonë ka qenë dhe është tek menaxhimi i situatës, jo tek lojërat politike.
Vendim i Kurtit tregon mungesë totale të përgjegjësisë institucionale dhe ndjeshmërisë ndaj situatës nëpër të cilën po kalojmë si shoqëri, por edhe të mungesës së etikës në bashkëpunim me partnerë.
LDK-ja funksionin ndryshe, si në parti ashtu edhe në institucione. Zyrtarët e saj shfaqin lirshëm mendimin e tyre mospajtues me udhëheqësin, por ata në të njëjtën kohë janë të përgjegjshëm ndaj detyrave që kanë.
Duket qartë se Kurti nuk funksionon kështu. Keq për të.
Sot Kurti nuk e ka shkarkuar z.Veliu, por veten e tij, duke ikur kështu nga përgjegjësitë shtetërore ndaj qytetarëve në një moment të vështirë për të gjithë.

Tags

Related Articles

Leave a Reply

Your email address will not be published. Required fields are marked *

Back to top button
Close
Close