Lajme

Memli Krasniqi i thotë Albin Kurtit: Harroje nuk ka zgjedhje me 14 qershor

Deputeti i Kuvendit të Kosovës nga radhët e Partisë Demokratike të Kosovës, Memli Krasniqi ka folur për zhvillimet e fundit në vend.

Krasniqi ka thënë se vendimi i Gjykatës Kushtetuese për pezullimin e dekretit të Presidentit, Hashim Thaçi për formimin e Qeverisë së re ka qenë i drejtë.

Ai ka thënë se sa më shpejt që Gjykata Kushtetuese të jep verdiktin e vetë është një mundësi për të ecur përpara.

Krasniqi tutje ka thënë se janë deklaruar për një qeveri të re sepse sipas siç thotë ai ‘Qeveria Kurti nuk ka kapacitet ligjëvënës.

“Janë dëme që janë vërtetuar sa kanë qenë në pushtet dhe tani sa janë në detyrë, ne kemi votuar kundër asaj qeverie dhe kemi dhënë votën pro për rrëzimin e saj”, është shprehur ai në Rubikon.

“Kjo qeveri nuk ka kapacitet ligjvënës”, ka thënë tutje Krasniqi.

Ai po ashtu ka thënë se Albin Kurti ka bërë hajgare kur ka thënë se me 14 qershor mund të mbahen zgjedhjet në vend.

“Kurti ka ba hajgare siç është bërë hajgarexhi, me 14 qershor nuk mund të ketë zgjedhje, sepse ai është kontradiktor, siç është kontradiktor në skenën politike. Po më vjen keq me trajtu deklaratën e tij”

“…manipulimi me mbështetësit e tij, por edhe me popullatën, e ka fut në këtë lojë dhe po shihet që nuk e kanë trajtu me seriozitet, se po shihet spo flasin më për atë deklaratë”, ka thënë ai.

Burimi

Back to top button