Lajme

Në Natën e Kadrit, Tërnava jep lajmin e madh: Xhamia Qendrore, brenda 7 ditësh merr lejen për ndërtim

Ka thuajse 10 vite që kur flitet për ndërtimin e Xhamisë Qendrore në Prishtinë.

Me 8 tetor të vitit 2012 është vënë gur themeli, afër Postës së Madhe në kryeqytet. Që atëherë ka pasur polemika të shumta rreth ndërtimit të këtij institucioni fetar, transmeton Indeksonline.

Ndërsa, në një intervistë në RTK, Myftiu i Kosovës, Naim Tërnava ka dhënë një lajm të shumëpritur për besimtarët myslimanë.

Ai ka thënë se brenda 7 ditësh, pritet të nis edhe ndërtimi i kësaj xhamie.

“Sot bash sot kam shpresu që do t’më thërret kryetari i Komunës së Prishtinës, Shpend Ahmneti, se në parim jemi marrë vesh që në Natën e Kadrit të jipet leja për ndërtimin e Xhamisë së Madhe, por sipas një dëgjimi brenda 7 ditësh Kuvendi Komunal do ta lëshojë lejen për ndërtim.

Të gjitha janë rregullu, vetëm pandemia ka qenë në pyetje.

Pas pandemisë, unë dëshiroj të falënderoj shumë edhe Ahmetin dhe administratën komunale që s’kanë asnjë faj pse është vonu deri sot fillimi i ndërtimit”, tha ai.

Tërnava gjithashtu tha se projekti komplet është dorëzu në fillim të Ramazanit, por dhe s’mërzitet për askënd se çka mendon./IndeksOnline/

Back to top button