Lajme

Shkon në mbi 10,000 numri i të vdekurve nga virusi në Britani, 710 vdiqën për 24 orë

Gjatë 24 orëve të kaluara, 710 persona kanë vdekur nga koronavirusi në Britani të Madhe. Kështu, shifra e përgjithshme e viktimave shkoi në 10,585.

Vetëm në Angli vdiqën 657 persona. Në mesin e viktimave ishte edhe një person 26-vjeçar, i cili kishte edhe probleme të tjera shëndetësore. Në Uells vdiqën 18 persona dhe shifra e përgjithshme shkoi në 369.

Mbi 5,900 persona dolën pozitivë në testin për koronavirus. Të shtunën në mbrëmje, në spitalet e Skocisë ishin 1,755 persona të shtrirë në spitale si të konfirmuar me koronavirus ose me simptoma të dyshimta.

Në Irlandën Veriore u shënuan 11 viktima të reja në 24 orët e kaluara dhe tash numri i përgjithshmë i të vdekurve atje shkoi në 118 persona, shkruan “Daily Mail”, transmeton Gazeta Express.

Shifrat e reja u publikuan pas lajmit se kryeministri i vendit, Boris Johnson, është liruar nga spitali ku po qëndronte qe një javë pas përmirësimit të gjendjes.

Britania e Madhe është ndër vendet më të prekura në Evropë nga koronavirusi pas Italisë, Spanjës dhe Francës. Ajo ka më pak të infektuar se Gjermania, por shumë më shumë viktima.

Burimi

Back to top button