fbpx
MagazinaTeknologji

Tesla prezanton Model Y, tregon vetitë më të mira të makinës me çmim fillestar prej 35 mijë eurove

Gjatë një aktiviteti në Kaliforni të Shteteve të Bashkuara, drejtori i përgjithshëm i Tesla, Elon Musk i ka befasuar të pranishmit duke e prezantuar edhe Model Y. Siguria e kësaj makine, është gjëja e parë që e ka përmendur Musk, duke thënë se do të vlerësohet me pesë yje siguri në të gjitha kategoritë, transmeton Shkruje.

Me baterinë e vendosur në pjesën e poshtme, gjë që ia rritë qendrën e gravitetit, Model Y mund të konsiderohet makina SUV më e sigurtë ndonjëherë.
Ndërtimi i kësaj makine, thuhet të jetë bërë në atë mënyrë, që ta ketë funksionalitetin e një makine SUV, derisa mund të vozitet sikur një makinë sportive, që është shumë e tendosur në kthesa.

Duke treguar vetitë më të mira të kësaj makine, është thënë se do të ketë autonomi deri në 482 kilometra, por nuk janë bërë të ditur të dhëna shtesë.
Brendia e Model Y, është e ngjashme me Model 3 me kulmin panoramik, të cilin mund ta shijojnë më së miri udhëtarët që ndodhen në dy radhët e ulëseve të pasme.

Autopiloti i Model Y, do të ketë kapacitetet e makinave të deritanishme nga Tesla, por që pritet të fuqizohet deri në fund të vitit edhe më përditësime shtesë.
Të interesuarit për këtë makinë, duket të paguajnë duke filluar nga 35 mijë euro, ndërsa çmimi shtrenjtohet për opsionet shtesë. /shkruje/


Related Articles

Leave a Reply

Your email address will not be published. Required fields are marked *

Back to top button
Close
Close