Lajme

“Veç Allahu që na ka shpëtu” – Llapjani tregon tmerrin që përjetoi nga 46 personat që bënë garë sot në autostradë (Pamje)

46 persona u gjobitën nga policia pasi u zunë duke bërë gara me automjete.

Njësia për kontroll në autostradë me të marrë informacionet se në autostradën Trudë – Mazgit, ishte duke u përgatitur një garë e paligjshme, i ka ndërmarrë të gjitha veprimet e nevojshme për ta parandaluar ngjarjen.

Pikërisht në ato momente në vendngjarje qëlloi një banor i Podujevës.

Ai në një shkrim dërguar Llapi Info, tregoi tmerrin që e përjetoi.

Tha se të gjithë të pranishmit në komunikacion ishin të rrezikuar nga këta persona.

Kështu tha zëdhënësi i policisë, Daut Hoxha.

Hoxha theksoi se janë gjobitur 36 vozitës dhe 10 këmbësorë.

“Policia e Kosovës, Njësia për kontroll në autostradë, pas marrjes së informacioneve se është duke u përgatitur një garë e paligjshme me automobila në autostradën Trudë – Mazgit, ka ndërmarrë veprimet dhe masa te nevojshme ligjore për parandalimin dhe zbatimin e ligjshmërisë” tha Hoxha në Klan Kosova.

“Në ora 16:30 kanë filluar të mblidhen një numër i automjeteve dhe këmbesorëve në cilesinë e shikuesve. Janë njoftuar njësitet relevante nga stacioni policor veriu dhe njësitet për reagim të shpejtë në Prishtinë të cilat ju kanë përgjigjur kësaj ngjarje. Gjatë angazhimit njësitet policore janë bashkërenduar dhe janë marrë masat në vijim; janë shqiptuar gjithsejt 46 kundërvajtje, 36 kundërvajtje vozitësve si dhe 10 kundërvajtje këmbësorve”, theksoi ai.

“Njësitet policore dhe ato për mbikqyre të autostradës mbete në gjendje të gatishmërie dhe varësisht prej zhvillimeve në terren do të ndërmerren masa të nevojshme ligjore për të garantuar zbatueshmërinë e ligjit në trafik dhe sigurisë së përshtatshme rrugore”, shtoi ai.

+ posts

Leave a Reply

Your email address will not be published.

Back to top button