(VIDEO) Frikësuan fëmijët duke vendosur maska – Pushohen katër punëtorë të çerdhes në Misisipi
Një çerdhe në Misisipi ka pushuar nga puna katër anëtarë të stafit pasi pamjet ku ata shihen me maska të frikshme dhe duke frikësuar fëmijët u bënë virale në rrjetet sociale.
Videot u filmuan nga një anëtar i stafit në Lil Blessings, një qendër e kujdesit ditor në Hamilton, Misisipi verilindor.
Fëmijët shumë të vegjël mund të shihen të ulur në një tavolinë derisa një i rritur i frikëson ata me arsyen se ata kanë pasur sjellje të keqe. Ai i bërtet fëmijëve dhe i ndjek nga pas. Fëmijët dridhen dhe vajtojnë nga frika dhe thërrasin prindërit e tyre.
Daycare workers at Lil’ Blessings Child Care in Hamilton, Mississippi thought it would be a great idea to scare the bejesus out of the kids using a 'Scream' mask.
The video is currently being investigated for possible criminal referrals and four employees have been fired. 😱😡 pic.twitter.com/Dptq1vpH8H
— StrictlyChristo🇺🇦🌻 (@christoq) October 6, 2022
Mbetet e paqartë se nga e kanë origjinën videot, por raportet tregojnë se ato janë postuar fillimisht në Facebook.
Prindërit janë krejtësisht të zemëruar me personelin e çerdhes për këtë shkelje të besimit dhe kërcënojnë me akuza penale. Tani, Departamenti i Shëndetit i Shtetit të Misisipit dhe Zyra e Sherifit të Qarkut Monroe po hetojnë këtë çështje.
Katër punëtorë u pushuan nga puna pasi pronarja e Lil’ Blessings, Sheila Sanders, u bombardua me ankesa. Sanders ka operuar çerdhen për më shumë se dy dekada.
Sipas raportimeve, pronarja mësoi për këto video vetëm të mërkurën, por të paktën njëra prej këtyre videove u filmua në shtator.
“Njerëzit që i bënë këto akte nuk janë më me ne. Ata u pushuan nga puna”, tha Sanders.
Njëra nga punonjëset e çerdhes që mund të shihet në video me maskë postoi gjithashtu një video 19-minutëshe ku kërkoi falje.
